Mustadrak al-Hakim

سیدنا عبداللہ بن عباس رضی اللہ عنہما سے روایت ہے کہ ایک دن رسول اللہ صلی اللہ علیہ و آلہ وسلم دوپہر کے وقت اپنے گھر سے باہر تشریف لائے تو دیکھا کہ سیدنا ابوبکر صدیق رضی اللہ عنہ مسجد میں بیٹھے ہیں، آپ صلی اللہ علیہ و آلہ وسلم نے دریافت فرمایا: ”اے ابوبکر! اس وقت تمہیں کس چیز نے گھر سے نکالا؟“ انہوں نے عرض کیا: یا رسول اللہ! اسی ضرورت (بھوک) نے جس نے آپ کو نکالا، پھر سیدنا عمر رضی اللہ عنہ آئے تو آپ صلی اللہ علیہ و آلہ وسلم نے پوچھا: ”اے خطاب کے بیٹے! تمہیں کس چیز نے نکالا؟“ انہوں نے بھی وہی عرض کیا جو ابوبکر رضی اللہ عنہ نے کیا تھا، چنانچہ رسول اللہ صلی اللہ علیہ و آلہ وسلم ان دونوں کے ساتھ بیٹھ کر گفتگو فرمانے لگے، پھر آپ صلی اللہ علیہ و آلہ وسلم نے فرمایا: ”کیا تم میں اتنی قوت ہے کہ ہم ان کھجوروں کے باغوں کی طرف چلیں - آپ صلی اللہ علیہ و آلہ وسلم نے انصار کے گھروں کی طرف اشارہ فرمایا - تاکہ ان شاء اللہ کھانا، پینا اور سایہ میسر آ سکے؟“ ہم نے عرض کیا: جی ہاں، پھر رسول اللہ صلی اللہ علیہ و آلہ وسلم روانہ ہوئے اور ہم بھی آپ صلی اللہ علیہ و آلہ وسلم کے ساتھ چل پڑے۔
سیدنا سعید بن عامر بن حذیم رضی اللہ عنہ کے مناقب کا ذکر۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5334]