Mustadrak al-Hakim

سیدنا ابو ثعلبہ خشنی رضی اللہ عنہ سے روایت ہے، وہ کہتے ہیں کہ رسول اللہ صلی اللہ علیہ و آلہ وسلم جب کسی غزوے یا سفر سے واپس تشریف لاتے تو پہلے مسجد میں داخل ہو کر دو رکعت نماز ادا فرماتے، پھر سیدہ فاطمہ رضی اللہ عنہا کے ہاں تشریف لے جاتے اور اس کے بعد اپنی ازواج مطہرات کے پاس جاتے۔ پس جب آپ صلی اللہ علیہ و آلہ وسلم (ایک بار) واپس آئے اور مسجد سے نکلے تو سیدہ فاطمہ رضی اللہ عنہا نے گھر کے دروازے پر آپ صلی اللہ علیہ و آلہ وسلم کا استقبال کیا، وہ آپ صلی اللہ علیہ و آلہ وسلم کے دہن مبارک اور آنکھوں کا بوسہ لینے لگیں اور رونے لگیں۔ آپ صلی اللہ علیہ و آلہ وسلم نے ان سے دریافت فرمایا: ”اے بیٹی! تمہیں کس چیز نے رلایا ہے؟“ انہوں نے عرض کی: اے اللہ کے رسول صلی اللہ علیہ و آلہ وسلم ! میں آپ کو پراگندہ حال اور تھکا ہوا دیکھ رہی ہوں اور آپ کے لباس بھی بوسیدہ ہو گئے ہیں۔ آپ صلی اللہ علیہ و آلہ وسلم نے فرمایا: ”پس تم روؤ نہیں، کیونکہ اللہ عزوجل نے تمہارے باپ کو ایک ایسے کام (دین) کے لیے مبعوث فرمایا ہے جو روئے زمین پر مٹی کے بنے کسی گھر یا بالوں کے بنے کسی خیمے کو نہیں چھوڑے گا مگر اللہ اس میں (اسلام کے ذریعے) عزت یا (کفر کے ذریعے) ذلت داخل کر دے گا، یہاں تک کہ یہ دین وہاں تک پہنچ کر رہے گا جہاں تک رات پہنچتی ہے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4790]