Mustadrak al-Hakim

سیدنا ثوبان رضی اللہ عنہ سے روایت ہے کہ رسول اللہ صلی اللہ علیہ و آلہ وسلم سیدہ فاطمہ رضی اللہ عنہا کے ہاں تشریف لائے اور میں بھی آپ صلی اللہ علیہ و آلہ وسلم کے ہمراہ تھا، سیدہ فاطمہ رضی اللہ عنہا نے اپنے گلے سے سونے کی ایک زنجیر (ہار) نکالی اور کہا: یہ مجھے ابو حسن (سیدنا علی رضی اللہ عنہ) نے تحفے میں دی ہے، تو رسول اللہ صلی اللہ علیہ و آلہ وسلم نے فرمایا: ”اے فاطمہ! کیا تمہیں یہ بات خوش کرتی ہے کہ لوگ یہ کہیں کہ محمد کی بیٹی کے ہاتھ میں آگ کی زنجیر ہے؟!“ پھر آپ صلی اللہ علیہ و آلہ وسلم وہاں بیٹھے بغیر باہر تشریف لے گئے، چنانچہ سیدہ فاطمہ رضی اللہ عنہا نے فوراً اس زنجیر کو فروخت کیا اور اس کی رقم سے ایک غلام خرید کر اسے آزاد کر دیا، جب یہ بات نبی کریم صلی اللہ علیہ و آلہ وسلم تک پہنچی تو آپ صلی اللہ علیہ و آلہ وسلم نے فرمایا: ”تمام تعریفیں اللہ ہی کے لیے ہیں جس نے فاطمہ کو آگ سے نجات عطا فرمائی۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4778]