Mustadrak al-Hakim

ابوبکرہ رضی اللہ عنہ سے روایت ہے کہ مجھے اللہ تعالیٰ نے اس بات کی وجہ سے فتنے سے محفوظ رکھا جو میں نے رسول اللہ صلی اللہ علیہ و آلہ وسلم سے سنی تھی، جب (ایران کا بادشاہ) کسریٰ ہلاک ہوا تو آپ صلی اللہ علیہ و آلہ وسلم نے پوچھا: ”ایرانیوں نے کس کو اپنا حکمران بنایا ہے؟“ لوگوں نے عرض کیا: اس کی بیٹی کو، تو آپ صلی اللہ علیہ و آلہ وسلم نے فرمایا: ”وہ قوم کبھی فلاح نہیں پائے گی جس نے اپنے معاملات کی باگ ڈور کسی عورت کے سپرد کر دی۔“ وہ کہتے ہیں: ”پس جب سیدہ عائشہ رضی اللہ عنہا (میدانِ جنگ میں) تشریف لائیں تو مجھے رسول اللہ صلی اللہ علیہ و آلہ وسلم کا وہ قول یاد آگیا اور اللہ نے مجھے اس کے ذریعے محفوظ فرما لیا۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4658]