Mustadrak al-Hakim

سیدنا انس رضی اللہ عنہ سے روایت ہے کہ نبی کریم صلی اللہ علیہ و آلہ وسلم کو اچھے خواب پسند تھے، آپ صلی اللہ علیہ و آلہ وسلم نے پوچھا: ”کیا آج تم میں سے کسی نے کوئی خواب دیکھا ہے؟“ سیدہ عائشہ رضی اللہ عنہا نے عرض کی: میں نے دیکھا ہے گویا تین چاند میرے حجرے میں گرے ہیں، تو نبی کریم صلی اللہ علیہ و آلہ وسلم نے ان سے فرمایا: ”اگر تمہارا خواب سچا ہے تو تمہارے گھر میں تین ایسی ہستیاں دفن ہوں گی جو روئے زمین کے تمام لوگوں میں سب سے افضل - یا بہترین - ہوں گی“، پھر جب نبی کریم صلی اللہ علیہ و آلہ وسلم کا وصال ہوا اور آپ کو ان کے حجرے میں دفن کیا گیا تو سیدنا ابوبکر رضی اللہ عنہ نے ان سے فرمایا: ”یہ تمہارے ان چاندوں میں سے ایک ہے اور یہ ان سب میں بہترین ہے“، اس کے بعد سیدنا ابوبکر اور سیدنا عمر رضی اللہ عنہما کا بھی انتقال ہوا اور وہ دونوں بھی ان کے حجرے میں دفن ہوئے۔ [المستدرك على الصحيحين/كِتَابُ الْمَغَازِي وَالسَّرَايَا/حدیث: 4449]