Mustadrak al-Hakim

سیدنا براء بن عازب رضی اللہ عنہ سے روایت ہے، انہوں نے کہا: میں رسول اللہ صلی اللہ علیہ و آلہ وسلم کے زمانے میں اپنے ان اونٹوں کو تلاش کر رہا تھا جو گم ہو گئے تھے، اسی دوران میں کچھ گھروں کے پاس گھوم رہا تھا کہ اچانک میں نے سواروں اور شہسواروں کو دیکھا جو آئے اور انہوں نے (ایک گھر کا) گھیراؤ کر لیا اور ایک شخص کو باہر نکالا، انہوں نے اس سے کوئی سوال کیا نہ بات چیت کی یہاں تک کہ اس کی گردن اڑا دی، جب وہ چلے گئے تو میں نے اس کے بارے میں پوچھا، لوگوں نے بتایا: اس نے اپنے باپ کی بیوی سے نکاح کیا تھا۔ [المستدرك على الصحيحين/كِتَابُ النِّكَاحِ/حدیث: 2813]