Mustadrak al-Hakim

سیدہ ام کلثوم بنت ابی سلمہ رضی اللہ عنہا سے روایت ہے کہ جب رسول اللہ صلی اللہ علیہ و آلہ وسلم نے سیدہ ام سلمہ رضی اللہ عنہا سے نکاح فرمایا تو ان سے ارشاد فرمایا: ”میں نے نجاشی کی طرف کستوری کے کچھ اوقیے اور ایک حلہ (لباس) بطور ہدیہ بھیجا ہے، اور میرا خیال یہی ہے کہ وہ وفات پا چکا ہے، اور میں سمجھتا ہوں کہ میرا بھیجا ہوا وہ ہدیہ واپس آ جائے گا، پس اگر وہ مجھے واپس مل گیا تو وہ تمہارے لیے (یا تم سب کے لیے) ہوگا۔“ پھر ویسا ہی ہوا جیسا آپ صلی اللہ علیہ و آلہ وسلم نے فرمایا تھا، نجاشی کا انتقال ہو گیا، اور جب آپ صلی اللہ علیہ و آلہ وسلم کو وہ ہدیہ واپس ملا تو آپ صلی اللہ علیہ و آلہ وسلم نے اپنی ہر زوجہ مطہرہ کو اس کستوری میں سے ایک ایک اوقیہ عطا فرمایا اور بقیہ کستوری اور وہ حلہ ام سلمہ رضی اللہ عنہا کو دے دیا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ النِّكَاحِ/حدیث: 2801]