Mustadrak al-Hakim

خارجہ بن زید بن ثابت اپنے والد (سیدنا زید بن ثابت رضی اللہ عنہ) سے روایت کرتے ہیں کہ انہوں نے فرمایا: مجھے رسول اللہ صلی اللہ علیہ و آلہ وسلم نے حکم دیا تو میں نے آپ صلی اللہ علیہ و آلہ وسلم کے لیے یہودیوں کی تحریر سیکھ لی، آپ صلی اللہ علیہ و آلہ وسلم نے فرمایا تھا: ”اللہ کی قسم! مجھے اپنی خط و کتابت کے معاملے میں یہودیوں پر بھروسہ نہیں ہے“، پس میں نے اسے سیکھ لیا اور ابھی آدھا مہینہ بھی نہیں گزرا تھا کہ میں اس میں ماہر ہو گیا، وہ کہتے ہیں: پھر جب آپ صلی اللہ علیہ و آلہ وسلم یہودیوں کو خط لکھواتے تو میں لکھتا تھا اور جب ان کی طرف سے خط آتا تو میں آپ صلی اللہ علیہ و آلہ وسلم کو پڑھ کر سناتا تھا۔
یہ حدیث صحیح ہے اور مجھے اہلِ کتاب کی تحریر سیکھنے کی رخصت کے بارے میں اس کے علاوہ کوئی اور حدیث معلوم نہیں۔ [المستدرك على الصحيحين/كِتَابُ الْإِيمَانِ/حدیث: 254]