Mustadrak al-Hakim

سیدنا علی رضی اللہ عنہ سے روایت ہے کہ نبی کریم صلی اللہ علیہ و آلہ وسلم کے پاس کچھ قیدی آئے تو آپ صلی اللہ علیہ و آلہ وسلم نے مجھے دو بھائیوں کو فروخت کرنے کا حکم دیا، میں نے انہیں فروخت کر دیا اور ان کے درمیان جدائی کر دی، پھر میں نے نبی کریم صلی اللہ علیہ و آلہ وسلم کی بارگاہ میں حاضر ہو کر آپ کو بتایا تو آپ صلی اللہ علیہ و آلہ وسلم نے فرمایا: ”ان کے پیچھے جاؤ اور انہیں واپس لے کر آؤ، اور ان دونوں کو اکٹھے ہی فروخت کرو، ان کے درمیان ہرگز جدائی نہ کرو۔“
یہ حدیث غریب ہے اور شیخین کی شرط پر صحیح ہے لیکن انہوں نے اسے روایت نہیں کیا، اور ایک قول کے مطابق یہ روایت حکم سے ميمون بن ابی شبيب کے واسطے سے سیدنا علی رضی اللہ عنہ سے مروی ہے اور وہ بھی صحیح ہے: [المستدرك على الصحيحين/كِتَابُ: الْبُيُوعِ/حدیث: 2362]