Mustadrak al-Hakim

سیدنا اسید بن حضیر رضی اللہ عنہ سے روایت ہے کہ وہ اپنے گھر کی چھت پر تلاوت کر رہے تھے اور ان کی آواز بہت خوبصورت تھی، وہ رسول اللہ صلی اللہ علیہ و آلہ وسلم کی خدمت میں حاضر ہوئے اور عرض کیا: میں تلاوت کر رہا تھا کہ اچانک ایک بادل جیسی چیز نے مجھے ڈھانپ لیا، گھر میں اہلیہ تھیں اور صحن میں گھوڑا بندھا تھا، مجھے ڈر لگا کہ کہیں (گھوڑے کے بدکنے سے) اہلیہ کو چوٹ نہ لگ جائے یا گھوڑا چھوٹ نہ جائے، اس لیے میں نے تلاوت چھوڑ دی، رسول اللہ صلی اللہ علیہ و آلہ وسلم نے ان سے فرمایا: ”اے اسید! پڑھتے رہتے، کیونکہ وہ تو فرشتے تھے جو قرآن سننے کے لیے آئے تھے۔“ [المستدرك على الصحيحين/كِتَابُ فَضَائِلِ الْقُرْآنِ/حدیث: 2056]