Mustadrak al-Hakim

امام علی بن مدینی رحمہ اللہ فرماتے ہیں کہ سیدنا شداد بن اوس رضی اللہ عنہ کی رسول اللہ صلی اللہ علیہ و آلہ وسلم سے یہ روایت کہ آپ صلی اللہ علیہ و آلہ وسلم نے رمضان میں ایک شخص کو پچھنے لگواتے ہوئے دیکھا، اسے عاصم الاحول نے ابو قلابہ کے واسطے سے روایت کیا ہے، اور یحییٰ بن ابی کثیر نے بھی اسے ابو قلابہ کے واسطے سے سیدنا ثوبان سے روایت کیا ہے، اور میں ان دونوں حدیثوں کو صحیح ہی سمجھتا ہوں، کیونکہ یہ ممکن ہے کہ ابو قلابہ نے یہ حدیث ان دونوں (شداد اور ثوبان) سے سنی ہو۔ رہی بات روزہ دار کے لیے پچھنے لگوانے کی اجازت کی، تو اسے امام بخاری نے اپنی ”جامع صحیح“ میں روایت کیا ہے۔ [المستدرك على الصحيحين/كِتَابُ الصَّوْمِ/حدیث: 1580]