Mustadrak al-Hakim

یعلیٰ بن عطاء اپنے والد سے اور وہ سیدنا عبداللہ بن عمرو رضی اللہ عنہما سے روایت کرتے ہیں۔ اور عطاء بن سائب اپنے والد سے اور وہ سیدنا عبداللہ بن عمرو رضی اللہ عنہما سے روایت کرتے ہیں، انہوں نے فرمایا: رسول اللہ صلی اللہ علیہ و آلہ وسلم کے زمانے میں سورج گرہن لگا، تو رسول اللہ صلی اللہ علیہ و آلہ وسلم کھڑے ہوئے اور اس قدر طویل قیام کیا کہ کہا جانے لگا: آپ صلی اللہ علیہ و آلہ وسلم رکوع نہیں کریں گے، پھر آپ صلی اللہ علیہ و آلہ وسلم نے رکوع کیا اور اس قدر طویل رکوع کیا کہ کہا جانے لگا: آپ صلی اللہ علیہ و آلہ وسلم سر نہیں اٹھائیں گے، پھر آپ صلی اللہ علیہ و آلہ وسلم نے سر اٹھایا اور اس قدر طویل قیام کیا کہ کہا جانے لگا: آپ صلی اللہ علیہ و آلہ وسلم رکوع نہیں کریں گے، پھر آپ صلی اللہ علیہ و آلہ وسلم نے رکوع کیا اور اس قدر طویل رکوع کیا کہ کہا جانے لگا: آپ صلی اللہ علیہ و آلہ وسلم سر نہیں اٹھائیں گے، پھر آپ صلی اللہ علیہ و آلہ وسلم نے سر اٹھایا اور اس قدر طویل قیام کیا کہ کہا جانے لگا: آپ صلی اللہ علیہ و آلہ وسلم سجدہ نہیں کریں گے۔ (اور بقیہ حدیث ذکر کی)۔
یعلیٰ بن عطاء سے (سفیان) ثوری کی حدیث غریب صحیح ہے، اور شیخین نے مؤمل بن اسماعیل سے حجت پکڑی ہے لیکن اسے روایت نہیں کیا، اور جہاں تک عطاء بن سائب کا تعلق ہے تو انہوں نے انہیں روایت نہیں کیا۔ [المستدرك على الصحيحين/كِتَابُ الْكُسُوفِ/حدیث: 1244]