Mustadrak al-Hakim

سیدنا ابوسعید خدری رضی اللہ عنہ سے روایت ہے کہ ایک دن رسول اللہ صلی اللہ علیہ و آلہ وسلم نے ہمیں خطبہ دیا اور سورہ ﴿ص﴾ کی تلاوت فرمائی، جب سجدے (والی آیت) پر پہنچے تو آپ صلی اللہ علیہ و آلہ وسلم نیچے تشریف لائے اور سجدہ کیا اور ہم نے بھی آپ کے ساتھ سجدہ کیا، پھر ایک بار دوبارہ اسے پڑھا، جب سجدے (والی آیت) پر پہنچے تو ہم سجدے کے لیے تیار ہو گئے، جب آپ صلی اللہ علیہ و آلہ وسلم نے ہمیں (تیار) دیکھا تو فرمایا: ”یہ تو ایک نبی کی توبہ ہے، لیکن میں دیکھ رہا ہوں کہ تم سجدے کے لیے تیار ہو گئے ہو“، پس آپ صلی اللہ علیہ و آلہ وسلم نیچے تشریف لائے اور سجدہ کیا اور ہم نے بھی سجدہ کیا۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا، جبکہ سورہ ﴿ص﴾ کا سجدہ امام بخاری نے روایت کیا ہے، یہاں اسے کتاب الجمعہ میں لانے کا مقصد یہ ہے کہ جب امام منبر پر جمعہ کے دن سجدہ تلاوت پڑھے تو سنت یہ ہے کہ وہ نیچے اتر کر سجدہ کرے۔ [المستدرك على الصحيحين/كِتَابُ الْجُمُعَةِ/حدیث: 1064]