مسند احمد

ام المؤمنین حضرت عائشہ رضی اللہ عنہا سے مروی ہے کہ نبی صلی اللہ علیہ و آلہ وسلم کسی سفر پر روانہ ہوئے، حر کے پاس پہنچ کر ہم واپس روانہ ہوئے، میں اپنے اونٹ پر سوار تھی، جو سب سے آخر میں نبی صلی اللہ علیہ و آلہ وسلم سے ملنے والا تھا، نبی صلی اللہ علیہ و آلہ وسلم اس ببول کے درختوں کے درمیان تھے اور میں نبی صلی اللہ علیہ و آلہ وسلم کی آواز سن رہی تھی، کہ نبی صلی اللہ علیہ و آلہ وسلم کہہ رہے ہیں ہائے میری دلہن! واللہ میں ابھی اسی اونٹ پر تھی کہ ایک منادی نے پکار کر کہا کہ اس کی لگام پھنک دو، میں نے اس کی لگام پھنک دی تو اللہ نے اسے نبی صلی اللہ علیہ و آلہ وسلم کے ہاتھ میں دے دیا۔ [مسند احمد/ مسند النساء/حدیث: 26112]