Sunan Daraqutni

حسن نامی راوی نے سیدنا علی علیہ السلام کے بارے میں یہ روایت نقل کی ہے کہ نبی کریم صلی اللہ علیہ و آلہ وسلم نے سیدنا علی علیہ السلام سے یہ فرمایا تھا: ”میں تمہیں گھوڑوں کی دوڑ کا نگران مقرر کرتا ہوں۔“ سیدنا علی علیہ السلام تشریف لے گئے اور انہوں نے سیدنا سراقہ بن مالک رضی اللہ عنہ کو بلا کر کہا کہ اے سراقہ! دوڑ میں شامل ہونے والوں کی ذمہ داری میں تمہیں سونپ رہا ہوں، جو نبی کریم صلی اللہ علیہ و آلہ وسلم نے ذمہ داری مجھے عطا کی ہے، اس لیے جب تم میدان پہنچو (ابوعبدالرحمن کہتے ہیں: اس سے مراد وہ جگہ ہے جہاں سے دوڑ کا آغاز ہونا تھا) تو گھوڑوں کی قطار بنانا اور تین مرتبہ یہ اعلان کرنا: کوئی لگام کو ٹھیک کرنے والا ہے، کوئی لڑکے کو اٹھانے والا ہے، کوئی گھوڑے کے سر پر (لگام کا سرا) ڈالنے والا ہے (یعنی اگر نہیں ہے تو دوڑ شروع کی جائے)۔ اگر تمہیں کوئی جواب نہ دے تو تم تین مرتبہ اللہ اکبر کا نعرہ لگانا اور اسے چھوڑ دینا، تو اللہ تعالیٰ اپنی مخلوق میں سے جس کے بارے میں چاہے گا جیت کے لیے اس کی مدد کرے گا۔ سیدنا علی علیہ السلام دوڑ کے آخری نشان کے پاس تشریف فرما ہو جاتے۔ آپ ایک لکیر لگوا دیتے اور اس لکیر کے دونوں کناروں پر دو آدمیوں کو آمنے سامنے کھڑا کر دیتے۔ اس لکیر کا کنارہ ان آدمیوں کے پاؤں کے انگوٹھوں کے درمیان ہوتا اور گھوڑا ان دونوں کے درمیان میں سے گزرتا، سیدنا علی علیہ السلام ان دونوں آدمیوں سے فرماتے تھے: جب دو گھوڑوں میں سے کوئی ایک گھوڑا دوسرے کے مقابلے میں کانوں کے کنارے جتنا یا کان جتنا یا گال جتنا آگے ہو تو تم اسے کامیاب قرار دینا اور اگر تمہیں اس بارے میں شک ہو تو تم دونوں کو کامیاب قرار دینا اور جب تم دو کو برابر قرار دو تو آخری حد سے بنانا جو دونوں میں سے چھوٹی ہو۔ اسلام میں جلب، جنب اور شغار کی کوئی حقیقت نہیں ہے۔ [سنن الدارقطني/ كِتَابُ السَّبَقِ بَيْنَ الْخَيْلِ وَمَا رُوِيَ فِيهِ عَنِ النَّبِيِّ صَلَّى اللهُ عَلَيْهِ وَسَلَّمَ وَهُوَ زِيَادَةٌ فِي الْكِتَابِ/حدیث: 4836]