سیدنا عبید اللہ بن عبد اللہ بیان کرتے ہیں کہ میں سیدہ عائشہ رضی اللہ عنہا کی خدمت میں حاضر ہوا تو میں نے عرض کی کہ کیا آپ صلی اللہ علیہ و آلہ وسلم مجھے رسول اللہ صلی اللہ علیہ و آلہ وسلم کی بیماری کے متعلق بیان نہیں کریں گی؟ اُنہوں نے فرمایا کہ کیوں نہیں، رسول اللہ صلی اللہ علیہ و آلہ وسلم بیمار ہوئے تو آپ صلی اللہ علیہ و آلہ وسلم نے پوچھا: ”کیا لوگوں نے نماز پڑھ لی ہے؟“ ہم نے عرض کی کہ نہیں۔ اے اللہ کے رسول صلی اللہ علیہ و آلہ وسلم وہ آپ صلی اللہ علیہ و آلہ وسلم کے منتظر ہیں۔ تو آپ صلی اللہ علیہ و آلہ وسلم نے فرمایا: ”میرے لئے ٹب میں پانی رکھو“ وہ کہتی ہیں کہ تو ہم نے آپ صلی اللہ علیہ و آلہ وسلم کے حُکم کی تعمیل کی۔ آپ صلی اللہ علیہ و آلہ وسلم نے غسل کیا، پھر آپ صلی اللہ علیہ و آلہ وسلم (جانے کے لئے) کھڑے ہونے لگے تو آپ صلی اللہ علیہ و آلہ وسلم پر بیہوشی طاری ہو گئی- پھر آپ صلی اللہ علیہ و آلہ وسلم کو افاقہ ہوا تو دریافت فرمایا: ”کیا لوگوں نے نماز پڑھ لی ہے؟ میرے لیے ٹب میں پانی رکھو“ تو ہم نے آپ صلی اللہ علیہ و آلہ وسلم کے حُکم کی تعمیل کی (اور پانی رکھ دیا)، فرماتی ہیں کہ آپ صلی اللہ علیہ و آلہ وسلم نے غسل کیا پھر کھڑے ہونے لگے تو آپ صلی اللہ علیہ و آلہ وسلم بے ہوش ہو گئے، پھر آپ صلی اللہ علیہ و آلہ وسلم کو ہوش آیا تو پوچھا: ”کیا لوگوں نے نماز ادا کر لی ہے؟“ ہم نے عرض کی کہ نہیں، اے اللہ کے رسول، وہ آپ صلی اللہ علیہ و آلہ وسلم کا انتظار کرہے ہیں۔ وہ (سیدہ عائشہ رضی اللہ عنہا) کہتی ہیں، اور لوگ مسجد میں بیٹھے عشاء کی نماز کےلئے رسول اللہ صلی اللہ علیہ و آلہ وسلم کا انتظار کررہے تھے۔ پھر مکمّل حدیث بیان کی۔ [صحيح ابن خزيمه/جُمَّاعُ أَبْوَابِ غُسْلِ التَطْهِيرِ وَالِاسْتِحْبَابِ مِنْ غَيْرِ فَرْضٍ وَلَا إِيجَابٍ/حدیث: 257]