سیدہ عائشہ صدیقہ رضی اللہ عنہا بیان کرتی ہیں کہ نبی اکرم صلی اللہ علیہ و آلہ وسلم کو ایک یمنی حلے میں لپیٹ دیا گیا جو سیدنا عبداللہ بن ابوبکر رضی اللہ عنہما کا تھا، پھر اسے آپ صلی اللہ علیہ و آلہ وسلم کے جسمِ مبارک سے الگ کر دیا گیا اور نبی اکرم صلی اللہ علیہ و آلہ وسلم کو تین یمانی سحولی کپڑوں میں کفن دیا گیا جس میں عمامہ اور قمیص شامل نہیں تھے، عبداللہ رضی اللہ عنہ نے وہ حلہ اتار لیا تھا۔ انہوں نے کہا تھا: مجھے اس حلے میں کفن دیا جائے، پھر بعد میں انہوں نے کہا: جس کپڑے میں نبی اکرم صلی اللہ علیہ و آلہ وسلم کو کفن نہیں دیا گیا، اس میں مجھے کیسے کفن دیا جا سکتا ہے؟ تو انہوں نے اس کپڑے کو صدقہ کر دیا تھا۔ [صحیح ابن حبان/كِتَابُ التَّارِيخِ/حدیث: 6629]