زبیر بن عبدالرحمن بیان کرتے ہیں: سیدنا رفاعہ بن سموال رضی اللہ عنہ نے اپنی اہلیہ تمیمہ بنت وہب کو نبی اکرم صلی اللہ علیہ و آلہ وسلم کے زمانہ اقدس میں تین طلاق دے دیں، تو عبدالرحمن بن زبیر رضی اللہ عنہ نے اس خاتون کے ساتھ شادی کر لی لیکن وہ ان کے ساتھ صحبت نہیں کر سکے تو انہوں نے اس عورت کے ساتھ علیحدگی اختیار کر لی۔ رفاعہ رضی اللہ عنہ نے اس خاتون کے ساتھ شادی کرنے کا ارادہ کیا، یہ اس خاتون کے پہلے شوہر تھے جنہوں نے پہلے اسے طلاق دی تھی، انہوں نے اس بات کا تذکرہ نبی اکرم صلی اللہ علیہ و آلہ وسلم سے کیا تو نبی اکرم صلی اللہ علیہ و آلہ وسلم نے انہیں اس خاتون کے ساتھ شادی کرنے سے منع کر دیا۔ آپ صلی اللہ علیہ و آلہ وسلم نے ارشاد فرمایا: ”وہ عورت تمہارے لیے اس وقت تک حلال نہیں ہو گی جب تک وہ (دوسرے شوہر کا) شہد نہیں چکھ لیتی۔“ [صحیح ابن حبان/كِتَابُ النِّكَاحِ/حدیث: 4121]