سیدہ عائشہ صدیقہ اور سیدنا انس بن مالک رضی اللہ عنہما بیان کرتے ہیں: نبی اکرم صلی اللہ علیہ و آلہ وسلم نے کچھ آوازیں سنیں۔ آپ صلی اللہ علیہ و آلہ وسلم نے دریافت کیا: ”یہ کس بات کی آوازیں ہیں؟“ لوگوں نے عرض کی: لوگ کھجوروں کی پیوند کاری کر رہے ہیں۔ نبی اکرم صلی اللہ علیہ و آلہ وسلم نے ارشاد فرمایا: ”اگر وہ ایسا نہ کریں، تو یہ زیادہ بہتر ہو گا۔“ (راوی کہتے ہیں) تو وہ لوگ اس عمل سے باز آ گئے۔ انہوں نے اس سال پیوند کاری نہیں کی تو پیداوار ٹھیک نہیں ہوئی۔ اس بات کا تذکرہ نبی اکرم صلی اللہ علیہ و آلہ وسلم سے کیا گیا، تو آپ صلی اللہ علیہ و آلہ وسلم نے ارشاد فرمایا: ”اگر تمہارا کوئی دنیاوی معاملہ ہو، تو اسے تم خود سنبھالو اور اگر کوئی دینی معاملہ ہو، تو وہ میری طرف آئے گا۔“ [صحیح ابن حبان/المُقَدِّمَةُ/حدیث: 22]