اور اسی سند کے ساتھ (سیدنا انس بن مالک رضی اللہ عنہ سے) روایت ہے کہ رسول اللہ صلی اللہ علیہ و آلہ وسلم جب خیبر (فتح کرنے) کے لئے (مدینے سے) نکلے تو وہاں رات کے وقت داخل ہوئے، آپ صلی اللہ علیہ و آلہ وسلم جب کسی (اسلام دشمن) قوم پر حملہ کرنا چاہتے تو صبح سے پہلے حملہ نہیں کرتے تھے، پھر جب صبح ہوئی تو یہودی اپنی کدالیں اور ٹوکریاں لے کر نکلے جب انہوں نے آپ صلی اللہ علیہ و آلہ وسلم کو دیکھا تو کہا: محمد ( صلی اللہ علیہ و آلہ وسلم ) ہیں، اللہ کی قسم! محمد ( صلی اللہ علیہ و آلہ وسلم ) اور (ان کا) لشکر ہے تو رسول اللہ صلی اللہ علیہ و آلہ وسلم نے فرمایا: ”اللہ اکبر، خراب ہوا خیبر، جب ہم کسی قوم کے پاس پہنچتے ہیں تو ان لوگوں کی صبح بری ہوتی ہے جنہیں (جہنم اور عذاب سے) ڈرایا گیا ہے۔ “ [موطا امام مالك رواية ابن القاسم/حدیث: 563]