اسلم (قبیلے) کے ایک آدمی سے روایت ہے کہ ایک رات میں سو نہ سکا تو رسول اللہ صلی اللہ علیہ و آلہ وسلم نے فرمایا: ”کس وجہ سے؟“ اس نے کہا: مجھے بچھونے کاٹا تھا تو رسول اللہ صلی اللہ علیہ و آلہ وسلم نے فرمایا: ”اگر تم شام کے وقت «أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ»  ”میں اللہ کے پورے کلمات کے ساتھ پناہ چاہتا ہوں اس کے شر سے جو اس نے پیدا کیا۔“ پڑھتے تو ان شاءاللہ تجھے کوئی نقصان نہ ہوتا۔ “ [موطا امام مالك رواية ابن القاسم/حدیث: 456]