موطا امام مالک (روایۃ ابن قاسم)

سیدنا ابورافع رضی اللہ عنہ مولٰی رسول اللہ صلی اللہ علیہ و آلہ وسلم سے روایت ہے کہ رسول اللہ صلی اللہ علیہ و آلہ وسلم نے ایک اونٹ قرض لیا، پھر جب آپ صلی اللہ علیہ و آلہ وسلم کے پاس صدقے کے اونٹ آئے، تو مجھے رسول اللہ صلی اللہ علیہ و آلہ وسلم نے حکم دیا کہ میں اس شخص کا قرض ادا کر دوں جس سے چھوٹا اونٹ لیا تھا۔ میں نے کہا: میں تو اونٹوں میں چھ سال کے بہترین اونٹوں کے سوا کچھ بھی نہیں پاتا تو رسول اللہ صلی اللہ علیہ و آلہ وسلم نے فرمایا: ”اسی میں سے اسے دے دو، کیونکہ لوگوں میں بہتریں وہ انسان ہیں جو قرض ادا کرنے میں سب سے اچھے ہیں۔“ [موطا امام مالك رواية ابن القاسم/حدیث: 524]