سیدنا ابوہریرہ رضی اللہ عنہ سے روایت ہے کہ میں نے رسول اللہ صلی اللہ علیہ و آلہ وسلم سے بنو تمیم کے متعلق تین ایسی باتیں سنیں جن کے بعد میں کبھی ان سے بغض نہیں رکھوں گا: سیدہ عائشہ رضی اللہ عنہا پر اولادِ اسماعیل میں سے ایک غلام آزاد کرنے کی نذر تھی، تو بنو عنبر کے چند قیدی لائے گئے، آپ صلی اللہ علیہ و آلہ وسلم نے عائشہ رضی اللہ عنہا سے فرمایا: ”اگر تم اپنی نذر پوری کرنا چاہتی ہو تو ان میں سے کسی کو آزاد کر دو“، چنانچہ آپ صلی اللہ علیہ و آلہ وسلم نے انہیں اولادِ اسماعیل میں سے قرار دیا، اور (ایک بار) بنو سعد کے صدقے کے اونٹ لائے گئے، جب آپ صلی اللہ علیہ و آلہ وسلم نے انہیں دیکھا تو وہ آپ صلی اللہ علیہ و آلہ وسلم کو بہت بھلے لگے اور فرمایا: ”یہ میری قوم کے اونٹ ہیں“، پس آپ صلی اللہ علیہ و آلہ وسلم نے انہیں اپنی قوم قرار دیا، اور آپ صلی اللہ علیہ و آلہ وسلم نے یہ بھی فرمایا: ”وہ فتنوں اور بڑی لڑائیوں (ملاحم) میں لوگوں میں سب سے زیادہ سخت لڑنے والے ہیں۔“
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7162]