ابراہیم بن اسحاق حربی نے مصعب بن عبداللہ زبیری سے روایت کی، انہوں نے کہا: ہجرت کے بعد مسلمانوں کے ہاں پیدا ہونے والے پہلے بچے سیدنا عبداللہ بن زبیر بن عوام بن خویلد بن اسد بن عبدالعزیٰ تھے، ان کی والدہ سیدہ اسماء بنت ابوبکر صدیق رضی اللہ عنہما ہیں، اور ان کی نانی قتلہ بنت عبدالعزیٰ بن عبد اسد بن نصر بن مالک بن حسل بن عامر بن لوی تھیں، اور عبداللہ کی کنیت ابوبکر تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6462]

سیدہ عائشہ رضی اللہ عنہا سے روایت ہے کہ نبی کریم صلی اللہ علیہ و آلہ وسلم نے سیدنا عبداللہ بن زبیر کا نام ”عبداللہ“ رکھا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6463]