Mustadrak al-Hakim

سیدنا محجن بن ادرع رضی اللہ عنہ سے روایت ہے کہ رسول اللہ صلی اللہ علیہ و آلہ وسلم نے مجھے کسی کام سے بھیجا، پھر آپ صلی اللہ علیہ و آلہ وسلم مجھے مدینہ کے کسی راستے میں ملے، پھر آپ صلی اللہ علیہ و آلہ وسلم احد (پہاڑ) پر چڑھے اور میں بھی آپ صلی اللہ علیہ و آلہ وسلم کے ساتھ چڑھا، تو آپ صلی اللہ علیہ و آلہ وسلم نے اپنا رخ مدینہ کی طرف کیا اور اس (شہر) کے بارے میں کچھ ارشاد فرمایا، پھر فرمایا: ”تیری ماں ہلاک ہو (یا اس کی ماں ہلاک ہو) - یہ ایسی بستی ہے کہ اس کے رہنے والے اسے اس وقت (ویران) چھوڑ دیں گے جب وہ اپنی پوری شادابی اور پھلوں کے پکنے کے عروج پر ہوگی، پرندے اور درندے اس کے پھل کھائیں گے - اور اس میں دجال داخل نہیں ہو سکے گا، ان شاء اللہ، وہ جب بھی اس میں داخل ہونے کا ارادہ کرے گا تو اس کے ہر راستے پر ننگی تلوار لیے ہوئے ایک فرشتہ اس کا سامنا کرے گا جو اسے اس سے روک دے گا۔“
یہ حدیث صحیح الاسناد ہے، لیکن شیخین نے اسے روایت نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8520]