Mustadrak al-Hakim

سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ و آلہ وسلم نے شراب پینے پر کوئی (مستقل) حد مقرر نہیں فرمائی تھی۔ ابن عباس رضی اللہ عنہما فرماتے ہیں کہ ایک شخص نے شراب پی کر نشہ کر لیا، وہ راستے میں لڑکھڑاتا ہوا پایا گیا تو ہم اسے نبی کریم صلی اللہ علیہ و آلہ وسلم کی طرف لے جانے لگے، جب وہ سیدنا عباس رضی اللہ عنہ کے گھر کے برابر پہنچا تو وہ (ہمارے ہاتھ سے) چھوٹ کر بھاگ گیا اور سیدنا عباس رضی اللہ عنہ سے لپٹ گیا، اس بات کا ذکر نبی کریم صلی اللہ علیہ و آلہ وسلم سے کیا گیا تو آپ صلی اللہ علیہ و آلہ وسلم مسکرا دیے اور فرمایا: ”کیا اس نے ایسا کیا؟“ اور آپ صلی اللہ علیہ و آلہ وسلم نے اس کے متعلق (سزا کا) کوئی حکم نہیں دیا۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ الْحُدُودِ/حدیث: 8323]