Mustadrak al-Hakim

کثیر بن صلت سے روایت ہے کہ ابن العاص اور سیدنا زید بن ثابت رضی اللہ عنہ مصاحف لکھ رہے تھے، جب وہ اس آیت پر پہنچے تو زید نے کہا: میں نے رسول اللہ صلی اللہ علیہ و آلہ وسلم کو فرماتے ہوئے سنا ہے: ”بوڑھا مرد اور بوڑھی عورت جب زنا کریں تو ان دونوں کو لازمی رجم کر دو۔“ اس پر سیدنا عمر رضی اللہ عنہ نے فرمایا: جب یہ نازل ہوئی تھی تو میں نبی کریم صلی اللہ علیہ و آلہ وسلم کی خدمت میں حاضر ہوا اور عرض کی کہ کیا میں اسے (قرآن میں) لکھ لوں؟ تو آپ صلی اللہ علیہ و آلہ وسلم نے اسے ناپسند فرمایا۔ پھر عمر رضی اللہ عنہ نے (وضاحت کرتے ہوئے) کہا: کیا تم نہیں دیکھتے کہ بوڑھا مرد جب زنا کرے اور وہ محصن (شادی شدہ) ہو تو اسے کوڑے بھی لگائے جاتے ہیں اور رجم بھی کیا جاتا ہے، اور اگر وہ غیر محصن ہو تو اسے کوڑے لگائے جاتے ہیں، اور اسی طرح شادی شدہ جب زنا کرے اور وہ شادی شدہ ہو تو اسے رجم کیا جاتا ہے۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ الْحُدُودِ/حدیث: 8270]