Mustadrak al-Hakim

سیدنا سہل بن سعد رضی اللہ عنہ سے روایت ہے کہ رسول اللہ صلی اللہ علیہ و آلہ وسلم ذوالحلیفہ کے مقام سے گزرے تو آپ صلی اللہ علیہ و آلہ وسلم نے ایک مری ہوئی بکری دیکھی جس کی ٹانگ اوپر کو اٹھی ہوئی تھی، آپ صلی اللہ علیہ و آلہ وسلم نے فرمایا: ”کیا تم یہ سمجھتے ہو کہ یہ بکری اپنے مالک کی نظر میں بے قیمت اور ذلیل ہے؟“ صحابہ نے عرض کی: جی ہاں، آپ صلی اللہ علیہ و آلہ وسلم نے فرمایا: ”اس ذات کی قسم جس کے قبضہ قدرت میں میری جان ہے! اللہ کے نزدیک دنیا اس سے بھی زیادہ بے قیمت ہے جتنی یہ بکری اپنے مالک کے نزدیک ہے، اور اگر اللہ کے نزدیک دنیا کی قدر و قیمت مچھر کے ایک پر کے برابر بھی ہوتی تو وہ کسی کافر کو اس میں سے پانی کا ایک گھونٹ بھی نہ پلاتا۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ الرِّقَاقِ/حدیث: 8044]