Mustadrak al-Hakim

سیدنا جابر رضی اللہ عنہ سے روایت ہے، انہوں نے کہا: ہم نے نبی کریم صلی اللہ علیہ و آلہ وسلم کے لیے مٹی کی ایک ہانڈی تیار کی، میں اسے لے کر آپ صلی اللہ علیہ و آلہ وسلم کی خدمت میں حاضر ہوا تو آپ صلی اللہ علیہ و آلہ وسلم نے اس کے اندر جھانک کر دیکھا اور فرمایا: ”میرا خیال تھا کہ یہ گوشت ہے۔“
یہ حدیث صحیح الاسناد ہے بشرطیکہ اسحاق بن ابی طلحہ کا سیدنا جابر رضی اللہ عنہ سے سماع ثابت ہو، اور شیخین نے اسے روایت نہیں کیا۔ اس حدیث میں رسول اللہ صلی اللہ علیہ و آلہ وسلم کی گوشت سے رغبت اور محبت کا واضح بیان موجود ہے، اور اس کی شاہد روایت درج ذیل ہے: [المستدرك على الصحيحين/كِتَابُ الْأَطْعِمَةِ/حدیث: 7272]