Mustadrak al-Hakim

سیدنا انس بن مالک رضی اللہ عنہ سے روایت ہے کہ ایک شخص رسول اللہ صلی اللہ علیہ و آلہ وسلم کے عہدِ مبارک میں خرید و فروخت کیا کرتا تھا اور اس کے معاملے (یعنی عقل یا فیصلے کی قوت) میں کچھ کمزوری تھی، اس کے گھر والے نبی کریم صلی اللہ علیہ و آلہ وسلم کی بارگاہ میں حاضر ہوئے اور عرض کی: اے اللہ کے نبی! فلاں شخص پر (کاروبار کی) پابندی لگا دیں کیونکہ وہ سودا کرتا ہے اور اس کی فہم و فراست میں کمزوری ہے، چنانچہ نبی کریم صلی اللہ علیہ و آلہ وسلم نے اسے بلایا اور اسے بیع کرنے سے منع فرما دیا، اس نے عرض کی: اے اللہ کے نبی! میں تجارت کے بغیر صبر نہیں کر سکتا، تو آپ صلی اللہ علیہ و آلہ وسلم نے فرمایا: ”اگر تم نے بیع کرنا نہیں چھوڑنا تو (سودا کرتے وقت) یہ کہہ دیا کرو: «هَا وَلَا خِلَابَةَ» ”یہ لو اور اس میں کوئی دھوکہ نہیں ہونا چاہیے“۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ الْأَحْكَامِ/حدیث: 7238]