Mustadrak al-Hakim

سیدنا حمزہ بن ابی سعید خدری اپنے والد (سیدنا ابوسعید خدری رضی اللہ عنہ) سے روایت کرتے ہیں، انہوں نے کہا کہ میں نے رسول اللہ صلی اللہ علیہ و آلہ وسلم کو منبر پر یہ فرماتے ہوئے سنا: ”ان لوگوں کا کیا حال ہے جو یہ کہتے ہیں کہ میرا رشتہ (قرابت) نفع نہیں دے گا؟ کیوں نہیں، اللہ کی قسم! میرا رشتہ و قرابت دنیا اور آخرت (دونوں) میں جڑا ہوا ہے۔ اور اے لوگو! میں حوضِ کوثر پر تمہارا پیش رو (استقبال کرنے والا) ہوں گا، پس جب میں وہاں ہوں گا تو کچھ لوگ کھڑے ہوں گے، ان میں سے کوئی کہے گا: یا رسول اللہ! میں فلاں ہوں، اور کوئی کہے گا: یا رسول اللہ! میں فلاں ہوں، تو میں کہوں گا: میں نے تمہیں پہچان لیا ہے لیکن تم نے میرے بعد (دین میں) نئی چیزیں نکال لی تھیں اور تم الٹے قدموں (پچھلے دین کی طرف) پھر گئے تھے۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 7134]