Mustadrak al-Hakim

قیس بن زید سے روایت ہے کہ نبی کریم صلی اللہ علیہ و آلہ وسلم نے سیدہ حفصہ بنت عمر رضی اللہ عنہما کو طلاق دے دی، تو ان کے دونوں ماموں قدامہ اور عثمان جو کہ مظعون کے بیٹے ہیں ان کے پاس آئے، تو وہ رونے لگیں اور کہنے لگیں: ”اللہ کی قسم! آپ صلی اللہ علیہ و آلہ وسلم نے مجھے کسی برائی یا ناپسندیدہ فعل کی وجہ سے طلاق نہیں دی۔“ اتنے میں نبی کریم صلی اللہ علیہ و آلہ وسلم تشریف لائے اور فرمایا: ”جبرائیل علیہ السلام نے مجھ سے کہا ہے: آپ حفصہ سے رجوع کر لیں، کیونکہ وہ بہت زیادہ روزے رکھنے والی اور بہت زیادہ عبادت گزار ہیں، اور وہ جنت میں بھی آپ کی زوجہ ہیں۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6906]