Mustadrak al-Hakim

سلیمان اپنے والد ابان سے اور وہ اپنے والد سلیمان سے روایت کرتے ہیں کہ سیدنا قباث بن اشیم رضی اللہ عنہ کے اسلام لانے کا قصہ یہ ہے کہ ان کی قوم اور دیگر عربوں کے کچھ لوگ ان کے پاس آئے اور کہنے لگے: ”محمد بن عبداللہ بن عبدالمطلب نے نکل کر ایک ایسے دین کی دعوت دی ہے جو ہمارے دین سے الگ ہے“، چنانچہ قباث کھڑے ہوئے اور رسول اللہ صلی اللہ علیہ و آلہ وسلم کی خدمت میں حاضر ہوئے، جب وہ آپ صلی اللہ علیہ و آلہ وسلم کے پاس داخل ہوئے تو آپ صلی اللہ علیہ و آلہ وسلم نے فرمایا: ”اے قباث! بیٹھ جاؤ“، قباث حیرت زدہ ہو کر چپ ہو گئے، پھر رسول اللہ صلی اللہ علیہ و آلہ وسلم نے فرمایا: ”تم وہی ہو جس نے کہا تھا کہ اگر قریش کی عورتیں نکل پڑیں تو وہ محمد اور ان کے ساتھیوں کو (مکے سے) نکال دیں گی؟“ قباث نے کہا: ”اس ذات کی قسم جس نے آپ کو حق کے ساتھ بھیجا ہے! یہ بات نہ تو میری زبان پر آئی، نہ میرے ہونٹوں نے اس کی بھنبھناہٹ کی اور نہ ہی کسی نے یہ بات مجھ سے سنی، یہ تو محض ایک خیال تھا جو میرے دل میں پیدا ہوا تھا، میں گواہی دیتا ہوں کہ اللہ کے سوا کوئی سچا معبود نہیں وہ اکیلا ہے اس کا کوئی شریک نہیں، اور میں گواہی دیتا ہوں کہ آپ اس کے بندے اور رسول ہیں اور جو کچھ آپ لائے ہیں وہ برحق ہے۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6770]