Mustadrak al-Hakim

سیدنا عمرو بن عبسہ رضی اللہ عنہ سے روایت ہے کہ میں رسول اللہ صلی اللہ علیہ و آلہ وسلم کے پاس اس وقت آیا جب آپ کی بعثت کا آغاز تھا اور آپ ان دنوں مکہ میں چھپے ہوئے تھے، میں نے پوچھا: آپ کیا ہیں؟ آپ صلی اللہ علیہ و آلہ وسلم نے فرمایا: ”میں نبی ہوں“، میں نے پوچھا: نبی کیا ہوتا ہے؟ آپ صلی اللہ علیہ و آلہ وسلم نے فرمایا: ”اللہ کا رسول“، میں نے پوچھا: کیا اللہ نے آپ کو بھیجا ہے؟ آپ صلی اللہ علیہ و آلہ وسلم نے فرمایا: ”ہاں“، میں نے پوچھا: آپ کو کیا دے کر بھیجا ہے؟ آپ صلی اللہ علیہ و آلہ وسلم نے ارشاد فرمایا: ”اس لیے کہ تم اللہ کی عبادت کرو، بتوں کو توڑ دو اور صلہ رحمی کرو“، میں نے عرض کی: کتنا ہی خوبصورت پیغام ہے جس کے ساتھ آپ بھیجے گئے ہیں، اس دعوت پر آپ کی اتباع کس نے کی ہے؟ آپ صلی اللہ علیہ و آلہ وسلم نے فرمایا: ”ایک آزاد اور ایک غلام نے“ —یعنی سیدنا ابوبکر اور سیدنا بلال رضی اللہ عنہما نے— چنانچہ عمرو بن عبسہ کہا کرتے تھے کہ اس وقت میں نے خود کو اسلام کا چوتھائی حصہ پایا، پھر میں نے اسلام قبول کیا اور عرض کی: یا رسول اللہ! کیا میں آپ کے ساتھ رہوں؟ آپ صلی اللہ علیہ و آلہ وسلم نے فرمایا: ”نہیں، بلکہ ابھی تم اپنی قوم کی زمین پر واپس چلے جاؤ، پھر جب میں غالب آ جاؤں تو میرے پاس آ جانا۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6729]