Mustadrak al-Hakim

سیدہ عائشہ رضی اللہ عنہا سے روایت ہے کہ ایک رات رسول اللہ صلی اللہ علیہ و آلہ وسلم کو نیند نہیں آ رہی تھی، تو آپ صلی اللہ علیہ و آلہ وسلم نے ارشاد فرمایا: ”کاش کہ میرے صحابہ میں سے کوئی نیک مرد آج کی رات میرا پہرہ دیتا،“ سیدہ عائشہ رضی اللہ عنہا فرماتی ہیں کہ اچانک ہم نے ہتھیاروں کی کھڑکھڑاہٹ سنی، تو رسول اللہ صلی اللہ علیہ و آلہ وسلم نے دریافت فرمایا: ”یہ کون ہے؟“ سیدنا سعد بن ابی وقاص رضی اللہ عنہ نے عرض کیا: ”یا رسول اللہ! میں ہوں، میں آپ کا پہرہ دینے کے لیے حاضر ہوا ہوں،“ سیدہ عائشہ رضی اللہ عنہا فرماتی ہیں کہ اس کے بعد رسول اللہ صلی اللہ علیہ و آلہ وسلم (ایسے اطمینان سے) سو گئے کہ میں نے آپ صلی اللہ علیہ و آلہ وسلم کے خراٹوں کی آواز سنی۔
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6245]