Mustadrak al-Hakim

سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ و آلہ وسلم کو یمنی دھاری دار چادروں کے دو ٹکڑوں میں کفن دیا گیا تھا جو سیدنا عبداللہ بن ابی بکر رضی اللہ عنہما کی ملکیت تھے، آپ صلی اللہ علیہ و آلہ وسلم کو ان میں لپیٹا گیا اور پھر انہیں اتار لیا گیا، سیدنا عبداللہ بن ابی بکر رضی اللہ عنہما نے وہ جوڑا اپنے پاس محفوظ کر لیا تھا تاکہ مرنے کے بعد انہیں اس میں کفن دیا جائے، پھر اسے روک لینے کے بعد انہوں نے خود سے کہا: ”میں اپنے لیے وہ چیز کیسے رکھ سکتا ہوں جس میں, اللہ نے اپنے رسول صلی اللہ علیہ و آلہ وسلم کو کفن دیے جانے سے روک دیا (یعنی وہ چادریں اتار لی گئی تھیں)،“ چنانچہ سیدنا عبداللہ رضی اللہ عنہ نے وہ چادریں صدقہ کر دیں۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6135]