Mustadrak al-Hakim

نفیل بن ہشام اپنے والد سے روایت کرتے ہیں کہ ان کے دادا سیدنا سعید بن زید رضی اللہ عنہ نے رسول اللہ صلی اللہ علیہ و آلہ وسلم سے اپنے والد زید بن عمرو بن نفیل کے بارے میں دریافت کیا اور عرض کی: یا رسول اللہ! میرے والد زید بن عمرو ویسے ہی (موحد) تھے جیسا کہ آپ نے انہیں دیکھا اور جیسا کہ آپ تک ان کی خبر پہنچی، اگر وہ آپ کا زمانہ پا لیتے تو آپ پر ضرور ایمان لاتے، کیا میں ان کے لیے دعائے مغفرت کروں؟ آپ صلی اللہ علیہ و آلہ وسلم نے فرمایا: ”ہاں، ان کے لیے مغفرت طلب کرو کیونکہ وہ قیامت کے دن تنہا ایک امت کی صورت میں اٹھائے جائیں گے“، اور لوگوں کے بیان کے مطابق وہ سچے دین کی تلاش میں تھے اور اسی جستجو میں ان کی موت واقع ہوئی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5968]