Mustadrak al-Hakim

سیدنا حباب بن منذر رضی اللہ عنہ سے روایت ہے کہ جبریل علیہ السلام محمد صلی اللہ علیہ و آلہ وسلم کے پاس تشریف لائے اور عرض کی: آپ کو ان دو باتوں میں سے کون سی زیادہ پسند ہے: یہ کہ آپ اپنی دنیا میں اپنے صحابہ کے ساتھ رہیں، یا اپنے رب کے پاس ان نعمتوں والی جنتوں میں چلے جائیں جس کا اس نے آپ سے وعدہ کر رکھا ہے، جہاں حورِ عین، دائمی سکون اور وہ سب کچھ ہے جس کی آپ کا نفس خواہش کرے اور جس سے آپ کی آنکھیں ٹھنڈی ہوں؟ آپ صلی اللہ علیہ و آلہ وسلم نے اپنے صحابہ سے مشورہ کیا تو انہوں نے عرض کی: یا رسول اللہ! آپ کا ہمارے پاس رہنا ہمیں زیادہ پسند ہے تاکہ آپ ہمیں دشمنوں کی کمزوریوں سے آگاہ کریں، اللہ سے ہماری نصرت کی دعا کریں اور ہمیں آسمانی خبریں بتائیں، تب رسول اللہ صلی اللہ علیہ و آلہ وسلم نے فرمایا: ”اے حباب! تم کیوں کچھ نہیں کہتے؟“ میں نے عرض کی: یا رسول اللہ! آپ وہی انتخاب فرمائیے جو آپ کے رب نے آپ کے لیے پسند فرمایا ہے، آپ صلی اللہ علیہ و آلہ وسلم نے میرا یہ مشورہ قبول فرما لیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5920]