Mustadrak al-Hakim

ابوحرب بن ابی الاسود دیلی سے روایت ہے، انہوں نے کہا: میں سیدنا علی اور سیدنا زبیر رضی اللہ عنہما کے پاس موجود تھا، جب سیدنا زبیر رضی اللہ عنہ اپنی سواری پر لشکر کی صفیں چیرتے ہوئے واپس مڑے تو ان کے بیٹے سیدنا عبداللہ (بن زبیر) ان کے سامنے آئے اور پوچھا: آپ کو کیا ہوا؟ انہوں نے جواب دیا: علی رضی اللہ عنہ نے مجھے وہ حدیث یاد دلائی ہے جو میں نے رسول اللہ صلی اللہ علیہ و آلہ وسلم سے سنی تھی کہ ”تم ضرور ان (علی) سے لڑو گے اور تم ان پر زیادتی کرنے والے ہو گے“، لہذا اب میں ان سے نہیں لڑوں گا، ان کے بیٹے نے کہا: ”آپ تو لڑنے کے لیے نہیں بلکہ لوگوں کے درمیان صلح کرانے آئے ہیں تاکہ اللہ آپ کے ذریعے اس معاملے کی اصلاح فرما دے“، سیدنا زبیر رضی اللہ عنہ نے کہا: ”میں قسم کھا چکا ہوں کہ نہیں لڑوں گا“، بیٹے نے کہا: ”تو پھر اپنے غلام جرجس کو (قسم کے کفارے میں) آزاد کر دیں اور یہیں ٹھہریں تاکہ لوگوں میں صلح کرا سکیں“، راوی کہتے ہیں: چنانچہ انہوں نے اپنے غلام جرجس کو آزاد کر دیا اور وہیں رک گئے، پھر جب لوگوں کا معاملہ بگڑ گیا تو وہ اپنے گھوڑے پر سوار ہو کر چلے گئے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5674]