Mustadrak al-Hakim

قاسم بن محمد سیدنا عبداللہ بن عمر رضی اللہ عنہما سے روایت کرتے ہیں، انہوں نے کہا: نبی کریم صلی اللہ علیہ و آلہ وسلم کے پاس ایک شخص کا خط آیا، تو آپ صلی اللہ علیہ و آلہ وسلم نے عبداللہ بن ارقم رضی اللہ عنہ سے فرمایا: ”میری طرف سے جواب لکھو۔“ تو انہوں نے اس کا جواب لکھا، پھر اسے آپ صلی اللہ علیہ و آلہ وسلم کو پڑھ کر سنایا۔ آپ صلی اللہ علیہ و آلہ وسلم نے یہ دعا دی: «أَصَبْتَ وَأَحْسَنْتَ، اللَّهُمَّ وَفِّقْهُ» ”تم نے درست لکھا اور بہت اچھا کیا، اے اللہ! اسے توفیق عطا فرما۔“ پھر جب عمر رضی اللہ عنہ خلیفہ بنے تو وہ ان سے مشورہ کیا کرتے تھے۔
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5530]