Mustadrak al-Hakim

سیدنا کعب بن مالک رضی اللہ عنہ سے روایت ہے کہ سیدنا معاذ بن جبل رضی اللہ عنہ ایک بردبار اور سخی نوجوان تھے اور وہ اپنی قوم کے بہترین جوانوں میں سے تھے، وہ اپنے پاس کچھ بچا کر نہیں رکھتے تھے یہاں تک کہ وہ مسلسل قرض لیتے رہے اور قرض کے بوجھ نے ان کے تمام مال کو اپنی لپیٹ میں لے لیا، چنانچہ وہ نبی کریم صلی اللہ علیہ و آلہ وسلم کی خدمت میں حاضر ہوئے تو آپ صلی اللہ علیہ و آلہ وسلم نے ان کے قرض خواہوں سے بات کی، اگر وہ کسی کی خاطر اپنا حق چھوڑنے والے ہوتے تو رسول اللہ صلی اللہ علیہ و آلہ وسلم کی خاطر معاذ کا قرض چھوڑ دیتے، لیکن (جب انہوں نے ایسا نہ کیا تو) رسول اللہ صلی اللہ علیہ و آلہ وسلم نے ان کا سارا مال بیچ کر ان کے قرض کی ادائیگی کی یہاں تک کہ معاذ کے پاس کچھ باقی نہ رہا۔
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5273]