Mustadrak al-Hakim

مصعب بن عبداللہ بن زبیر بیان کرتے ہیں کہ حارث بن عبدالمطلب کی اولاد میں سے جنہوں نے رسول اللہ صلی اللہ علیہ و آلہ وسلم کی صحبت پائی ان میں ابو سفیان بن حارث بن عبدالمطلب بھی شامل ہیں، رسول اللہ صلی اللہ علیہ و آلہ وسلم نے ان کے متعلق فرمایا: ”یہ میرے گھر والوں میں سب سے بہتر ہے“ یا فرمایا: ”بیشک وہ میرے گھر والوں میں سے بہترین ہے“، اور رسول اللہ صلی اللہ علیہ و آلہ وسلم نے یہ بھی فرمایا: ”بیشک وہ اہل جنت کے نوجوانوں کے سردار ہیں“، وہ غزوہ حنین کے دن رسول اللہ صلی اللہ علیہ و آلہ وسلم کے ساتھ (ثابت قدمی سے) ڈٹے رہے، تو صبح کے اندھیرے میں رسول اللہ صلی اللہ علیہ و آلہ وسلم نے انہیں دیکھا اور دریافت فرمایا: ”یہ کون ہے؟“ انہوں نے عرض کیا: یا رسول اللہ! آپ کی ماں کا بیٹا (یعنی آپ کا بھائی) ہوں، ایک حجام نے ان کے سر کی حجامت کی تو وہاں موجود ایک مسا (رسولی) کٹ گیا جس سے خون جاری ہو گیا اور وہ نہ رکا یہاں تک کہ ان کی وفات ہو گئی، یہ واقعہ سنہ 20 ہجری کا ہے اور سیدنا عمر بن خطاب رضی اللہ عنہ نے ان کی نماز جنازہ پڑھائی، وہ فتح مکہ کے لیے روانگی کے دوران راستے میں رسول اللہ صلی اللہ علیہ و آلہ وسلم سے ملے تھے اور فتح مکہ سے پہلے ہی اسلام لا چکے تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5195]