Mustadrak al-Hakim

عاصم بن عمر بن قتادہ اپنی قوم کے مشائخ سے روایت کرتے ہیں کہ رسول اللہ صلی اللہ علیہ و آلہ وسلم حج کے اس سیزن میں (تبلیغ کے لیے) باہر تشریف لائے جس میں آپ کی ملاقات انصار کے اس گروہ سے ہوئی، آپ صلی اللہ علیہ و آلہ وسلم نے عرب قبائل کے سامنے حق کی دعوت پیش فرمائی، پھر وہ لوگ رسول اللہ صلی اللہ علیہ و آلہ وسلم کے پاس سے اپنے علاقوں کی طرف اس حال میں واپس لوٹے کہ وہ ایمان لا چکے تھے اور آپ کی تصدیق کر چکے تھے، ان مخلصین میں سیدنا قطبہ بن عامر بن حدیدہ رضی اللہ عنہ بھی شامل تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5067]