Mustadrak al-Hakim

سیدنا حسن (بصری) سے روایت ہے کہ سیدنا حسن بن علی رضی اللہ عنہما پہاڑوں جیسے لشکر لے کر معاویہ (رضی اللہ عنہ) کے مقابلے پر آئے، تو عمرو بن العاص رضی اللہ عنہ نے کہا: اللہ کی قسم! میں ایسے لشکر دیکھ رہا ہوں جو پیٹھ نہیں پھیریں گے یہاں تک کہ اپنے مد مقابل کو قتل کر دیں، تو معاویہ رضی اللہ عنہ نے فرمایا: اگر یہ ایک دوسرے کو قتل کر دیں گے تو ان کے خون (کے قصاص)، ان کے معاملات اور ان کی بیوہ عورتوں کی دیکھ بھال کی ذمہ داری مجھ پر کون اٹھائے گا؟ راوی بیان کرتے ہیں کہ پھر معاویہ رضی اللہ عنہ نے عبدالرحمن بن سمرہ بن حبیب بن عبد شمس رضی اللہ عنہ کو بھیجا (سفیان کہتے ہیں کہ وہ صحابی تھے)، پس سیدنا حسن رضی اللہ عنہ نے معاویہ رضی اللہ عنہ سے صلح کر لی اور اقتدار ان کے سپرد کر دیا، اور بعض شرائط اور عہد و پیمان پر ان کی خلافت کی بیعت کر لی، اور معاویہ رضی اللہ عنہ نے سیدنا حسن رضی اللہ عنہ کی طرف ایک خطیر رقم روانہ کی جس کے متعلق کہا جاتا ہے کہ وہ پچاس کروڑ درہم تھی، یہ واقعہ جمادی الاولیٰ 41 ہجری کا ہے، اور سیدنا حسن رضی اللہ عنہ کے دورِ خلافت کی مدت معاویہ رضی اللہ عنہ کے سپرد کرنے تک سات ماہ اور گیارہ دن تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4868]