Mustadrak al-Hakim

سوید بن غفلہ سے روایت ہے کہ سیدنا علی رضی اللہ عنہ نے ابوجہل کی بیٹی کا رشتہ اس کے چچا حارث بن ہشام سے مانگا، تو انہوں نے نبی کریم صلی اللہ علیہ و آلہ وسلم سے مشورہ کیا، آپ صلی اللہ علیہ و آلہ وسلم نے فرمایا: ”کیا تم مجھ سے اس کے حسب و نسب کے بارے میں پوچھ رہے ہو؟“ سیدنا علی رضی اللہ عنہ نے عرض کیا: میں اس کا حسب تو جانتا ہوں، لیکن کیا آپ مجھے اس نکاح کا حکم دیتے ہیں؟ آپ صلی اللہ علیہ و آلہ وسلم نے فرمایا: ”نہیں، فاطمہ (رضی اللہ عنہا) میرا ایک ٹکڑا ہے اور میرا یہی خیال ہے کہ وہ غمگین یا بے چین ہو جائے گی“، تو سیدنا علی رضی اللہ عنہ نے عرض کیا: میں ایسا کوئی کام نہیں کروں گا جو انہیں ناپسند ہو۔
یہ حدیث شیخین کی شرط پر صحیح ہے لیکن انہوں نے اسے اس سیاق کے ساتھ روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4804]