Mustadrak al-Hakim

صعصعہ بن صوحان سے روایت ہے کہ جب ابن ملجم نے سیدنا علی رضی اللہ عنہ پر قاتلانہ حملہ کیا تو آپ نے ہمیں خطبہ دیا، ہم نے عرض کیا: اے امیر المؤمنین! ہمارے لیے کسی کو خلیفہ نامزد فرما دیں، تو آپ نے فرمایا: ”میں تمہیں اسی حال میں چھوڑ رہا ہوں جس حال میں رسول اللہ صلی اللہ علیہ و آلہ وسلم نے ہمیں چھوڑا تھا۔“ ہم نے (پہلے) عرض کیا تھا: اے اللہ کے رسول! ہمارے لیے کسی کو خلیفہ بنا دیں، تو آپ صلی اللہ علیہ و آلہ وسلم نے فرمایا تھا: ”اگر اللہ تمہارے حق میں خیر جانتا ہوگا تو تم پر تمہارے بہترین شخص کو حاکم بنا دے گا۔“ سیدنا علی رضی اللہ عنہ نے فرمایا: ”چنانچہ اللہ نے ہمارے حق میں خیر دیکھی تو سیدنا ابوبکر رضی اللہ عنہ کو ہم پر امیر بنا دیا۔“ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4749]