Mustadrak al-Hakim

سعد بن زید بن سعد اشہلی سے روایت ہے کہ انہوں نے رسول اللہ صلی اللہ علیہ و آلہ وسلم کو نجران کی ایک تلوار ہدیہ کی، جب وہ آپ صلی اللہ علیہ و آلہ وسلم کی خدمت میں لائے تو آپ صلی اللہ علیہ و آلہ وسلم نے وہ محمد بن مسلمہ رضی اللہ عنہ کو عطا کر دی اور فرمایا: ”اس کے ساتھ اللہ کی راہ میں جہاد کرو، لیکن جب مسلمانوں کی گردنیں ایک دوسرے سے ٹکرانے لگیں (آپس میں لڑنے لگیں) تو اسے پتھر پر مار کر توڑ دینا، پھر اپنے گھر میں گوشہ نشین ہو جانا اور اس طرح پڑے رہنا جیسے ٹاٹ بچھا ہوتا ہے، یہاں تک کہ کوئی خطا کار ہاتھ تمہیں قتل کر دے یا تمہیں موت آجائے۔“
امام حاکم نے کہا: پس انہی وجوہات اور ان جیسی دیگر دلیلوں کی بنا پر ان لوگوں نے سیدنا علی رضی اللہ عنہ کے ساتھ قتال سے کنارہ کشی اختیار کی، جبکہ اس کے برعکس اسباب کی بنیاد پر ان لوگوں نے قتال کیا جنہوں نے جنگ میں حصہ لیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4655]