Mustadrak al-Hakim

زید بن اسلم اپنے والد سے روایت کرتے ہیں، انہوں نے کہا: میں اس دن حاضر تھا جب سیدنا عثمان رضی اللہ عنہ کو جنازہ گاہ کے مقام پر محصور کیا گیا تھا، تب آپ رضی اللہ عنہ نے فرمایا: ”اے طلحہ! میں تمہیں اللہ کا واسطہ دے کر پوچھتا ہوں، کیا تمہیں وہ دن یاد ہے جب میں اور تم فلاں فلاں جگہ رسول اللہ صلی اللہ علیہ و آلہ وسلم کے ساتھ موجود تھے اور وہاں میرے اور تمہارے علاوہ آپ صلی اللہ علیہ و آلہ وسلم کا کوئی اور صحابی نہیں تھا، تب آپ صلی اللہ علیہ و آلہ وسلم نے تم سے فرمایا تھا: ”اے طلحہ! ہر نبی کا اپنی امت میں سے ایک رفیق ہوتا ہے جو جنت میں اس کے ساتھ ہوگا، اور بے شک عثمان جنت میں میرا رفیق اور میرے ساتھ ہے۔“؟“ تو سیدنا طلحہ رضی اللہ عنہ نے جواب دیا: ”اے اللہ! ہاں (مجھے یاد ہے)“، پھر سیدنا طلحہ رضی اللہ عنہ وہاں سے واپس چلے گئے۔
اس حدیث کی سند صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4587]