Mustadrak al-Hakim

سیدہ عائشہ رضی اللہ عنہا سے روایت ہے، انہوں نے فرمایا: سیدنا ابوبکر رضی اللہ عنہ کا انتقال تیرہ ہجری میں جمادی الاولیٰ کی بائیسویں تاریخ بروز منگل کی رات ہوا، آپ کی عمر اس وقت تریسٹھ سال تھی، آپ پندرہ دن بیمار رہے، اور آپ کی بیماری کا سبب یہ تھا کہ آپ نے ایک ٹھنڈے دن غسل کر لیا تھا جس سے آپ کو پندرہ دن تک بخار رہا اور آپ نماز کے لیے نہ نکل سکے، تو سیدنا عمر رضی اللہ عنہ لوگوں کو نماز پڑھاتے رہے، آپ اپنے اسی گھر میں تھے جو رسول اللہ صلی اللہ علیہ و آلہ وسلم نے آپ کو عطا فرمایا تھا اور وہ آج سیدنا عثمان رضی اللہ عنہ کے گھر کے سامنے ہے، آپ نے وصیت فرمائی تھی کہ آپ کی اہلیہ اسماء بنت عمیس آپ کو غسل دیں، چونکہ وہ کمزور تھیں اس لیے انہوں نے (اپنے بیٹے) عبدالرحمن سے مدد لی، آپ کو دو کپڑوں میں کفن دیا گیا جن میں سے ایک دھلا ہوا تھا، اور ایک قول کے مطابق تین کپڑوں میں، آپ کا جنازہ نبی کریم صلی اللہ علیہ و آلہ وسلم کی اسی چارپائی پر اٹھایا گیا جس پر عائشہ رضی اللہ عنہا سوتی تھیں، سیدنا عمر رضی اللہ عنہ نے مسجد میں قبر اور منبر کے درمیان آپ کی نمازِ جنازہ پڑھائی اور آپ کو رات کے وقت رسول اللہ صلی اللہ علیہ و آلہ وسلم کے ساتھ (حجرے میں) دفن کر دیا گیا، اور آپ کا سر مبارک نبی کریم صلی اللہ علیہ و آلہ وسلم کے کندھوں کے برابر رکھا گیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 4457]