Mustadrak al-Hakim

سیدنا عبداللہ بن عمر رضی اللہ عنہما سے مروی ہے، انہوں نے کہا: میں نے ان سے علی رضی اللہ عنہ کے متعلق پوچھا تو انہوں نے مجھے جھڑکا، پھر فرمایا: کیا میں تمہیں علی کے بارے میں نہ بتاؤں؟ یہ مسجد میں رسول اللہ صلی اللہ علیہ و آلہ وسلم کا گھر ہے اور یہ علی رضی اللہ عنہ کا گھر ہے، رسول اللہ صلی اللہ علیہ و آلہ وسلم نے ابوبکر اور عمر رضی اللہ عنہما کو سورہ براءت دے کر اہل مکہ کی طرف روانہ کیا، وہ چل پڑے تو انہوں نے ایک سوار کو دیکھا، انہوں نے پوچھا: یہ کون ہے؟ اس نے کہا: میں علی ہوں، علی نے کہا: اے ابوبکر! وہ تحریر (خط) لائیے جو آپ کے پاس ہے، ابوبکر نے پوچھا: اے علی! کیا میرے متعلق کچھ ہوا ہے؟ علی نے کہا: اللہ کی قسم! میں تو خیر ہی جانتا ہوں، پس علی رضی اللہ عنہ نے وہ تحریر لی اور اسے لے کر چلے گئے، جبکہ ابوبکر اور عمر رضی اللہ عنہما مدینہ واپس آ گئے اور عرض کی: یا رسول اللہ! ہمارے متعلق کیا حکم ہے؟ آپ صلی اللہ علیہ و آلہ وسلم نے فرمایا: ”تمہارے لیے خیر ہی ہے، لیکن مجھے یہ کہا گیا ہے کہ تمہاری طرف سے (یہ پیغام) صرف تم خود یا تمہارا ہی کوئی آدمی پہنچائے گا۔“
یہ حدیث شاذ ہے اور اس کی کمزوری کا باعث جمیع بن عمیر اور اس کے بعد اسحاق بن بشر ہیں۔ [المستدرك على الصحيحين/كِتَابُ الْمَغَازِي وَالسَّرَايَا/حدیث: 4422]